شفت شي عجبك بالإمارات؟

سعر الغرض متل ما هو عالموقع، وبيزيد عليه الشحن لـلبنان وأجرة الخدمة. الشحن بيتوقف على الوزن والحجم، فكل طلب إلو حسابو. منبعتلك السعر النهائي على واتساب قبل ما نشتري، وما منشتري شي قبل ما تقول ماشي.

بيتوقف عالمحل: في محلات بتسلّم بسرعة وفي محلات بتاخد وقتها، وبعدها في سفرة الطيارة. لما تبعتلنا الطلب منقلّك تقريباً قديش بدو، ومنخبرك كل ما يتحرّك.

منتفق عالدفع عالواتساب لما نبعتلك الحساب. ما في شي بينطلب منك قبل ما تعرف السعر كلّو وتوافق.

منتأكد معك من المقاس واللون قبل ما نطلب، بس بعد ما ينطلب الغرض ما منقدر نرجّعو ولا نبدّلو. لهيك شيّك على جدول المقاسات بموقع المحل منيح قبل ما تبعتلنا.

إيه، طالما المحل بيبيع وبيوصّل جوّا الإمارات، حتى لو مش موجود باللائحة. بس منعتذر عن اللي ما بيطلع بالطيارة: بطاريات لحالها، باور بانك، سكوترات وبسكليتات كهربا.

بيتوقف على نوع الغرض وقيمتو. قبل ما نشتري منقلّك إذا في شي لازم تعرفو بهالخصوص، حتى ما يطلعلك شي ما كنت حاسبو.